ഇരിങ്ങാലക്കുട: ക്രൈസ്റ്റ് കോളജ് കെമിസ്ട്രി സ്വാശ്രയ വിഭാഗത്തിന്റെ ആഭിമുഖ്യത്തില് 2026 - 27 അധ്യയനവര്ഷത്തെ ബിരുദാനന്തരബിരുദ വിദ്യാര്ഥികള്ക്കായി ഓറിയന്റേഷന് പ്രോഗ്രാം സംഘടിപ്പിച്ചു.
ഗവേഷണ മേഖലയിലെ വിവിധ സാധ്യതകള്, ഉന്നത വിദ്യാഭ്യാസം, തൊഴില് സാധ്യതകള് എന്നിവയെക്കുറിച്ച് കോളജിന്റെ പൂര്വവിദ്യാര്ഥിയും പട്ടാമ്പി ശ്രീനീലകണ്ഠ ഗവ. സംസ്കൃത കോളജ് പ്രിന്സിപ്പലുമായ പ്രഫ.ഡോ.പി.ആര്. ജോണ് ക്ലാസ് നയിച്ചു. ഗവേഷണത്തിലെ സാങ്കേതിക പ്രവണതകള് എന്ന വിഷയത്തില് ചാലക്കുടി സേക്രഡ് ഹാര്ട്ട് കോളജ് അസി.പ്രഫസര് ഡോ. സന്തോഷ് പോള് ക്ലാസെടുത്തു.
കോളജ് പ്രിന്സിപ്പല് റവ.ഡോ. ജോളി ആന്ഡ്രൂസ് സിഎംഐ, കെമിസ്ട്രി വിഭാഗം മെന്റര് ഡോ. മാത്യു പോള് ഊക്കന്, കോഓര്ഡിനേറ്റര് കെ.എ. ഗ്രീനി, ഡോ.വി.ബി. ഭാഗ്യേഷ്, ഡോ. മെറില് ഷെല്ലി എന്നിവര് പങ്കെടുത്തു.
Deepika
E-paper LOGIN
LOGIN